Magic for Witch: 桜の季節。東京崎玉 Day 2

桜の季節。東京崎玉 Day 2 2/4/2016

早餐去了酒店附近的磯丸水產吃，叫了一個海鮮丼和一個焗薯吃。焗薯上面個醬係生章魚，唔係好match。

四色丼967yen

塩辛ジャガバター 539yen

。。。。。。。。。。。。

磯丸水産池袋東口店

東京都豊島区東池袋1-7-4 東西物産ビル 1F・2F
24時間営業

。。。。。。。。。。。。

睇天氣預報我地黎呢幾日都係陰天同落雨，所以我地要揀唔落雨既日子去郊外賞櫻，落雨既日子就係東京shopping。今日陰天，所以去川越賞櫻。就係池袋搭車，好方便。

係東武鐵路既customer service counter就可以買到川越discount pass, 來回700yen, 比散買平左200yen。呢張pass並唔係一張車票，而係一張卡仔，所以要係customer service counter人手檢票出入。搭半小時左右就可以去到川越站，出站落樓梯就有巴士搭。

我地去蔵造りの町，大部分巴士都經，呢度d巴士有點復雜，我暫時未參透到，我都係是但上一架再睇Google map到站就落。川越既建築係江戶時代風，和京都不同，所以幾新鮮。

不過因為太多人，中間又係馬路，所以影相都有難度。

呢度都有得著和服，比京都平一半，當然就無京都果d咁靚啦～之前無plan實幾時黎，所以無預約到，結果就當然好full, 著唔到。

行埋大正浪漫通り就行去氷川神社，都要行15分鐘左右。

呢度岀名既就係釣魚仔求籤，300yen, 我抽到未吉。

戲肉就係神社後面條櫻花小河，好靚好靚好靚！仲有得坐船仔賞花架！草地其實應該唔落得，但一眾攝影人士都落唒去影相，我地最後都落埋去影～影左成個鐘。

係神社出面有巴士搭返川越站，我地早一個站，係本川越站落，因為我發現左有間目利きの銀次係度。本川越站行三分鐘就到。呢間係300yen店！當然唔係全部300yen咁恐怖啦，但大部分無價錢標示的都是300yen。其他食物都只係貴少少，400-600yen左右，抵到爛！平香港分店一半有多！不過呢間咁平係有原因既，就係要自己燒啦～自己燒就當然無人地煮咁好食，亦要花時間等煮熟。不過都係值得同好食架！

Total: 2262yen

。。。。。。。。。。。。

目利きの銀次本川越駅前店

西武新宿線　本川越駅　徒歩3分

16：00～03：00

。。。。。。。。。。。。

食完就行返川越站搭車，返到池袋見parco同bic camera未關門又去行左陣。係bic camera買左支1000yen既直髮夾，不過唔知返香港點用好，但只係去日本旅行時用都抵！

返去the b hotel拎返件行李，就搭山手線去上野站。我地既第二間酒店就係上野既Sutton place hotel。呢間應該係舊酒店，不過有再裝修過所以感覺都唔錯。話就話係上野入谷口行3分鐘好似好近咁，但其實入谷口距離搭JR既月台都要行5分鐘架！