桜の季節。東京崎玉 Day 3 3/4/2016
酒店係有light breakfast 既，不過我地趕住出去所以無食。
首先搭去淺草站，一出黎就見到隅田公園。今次係我第一次咁近睇skytree, 可惜落雨影相唔靚，影唔到最perfect既櫻花版skytree。
早餐去淺草東武站對面間一蘭食。
咁啱見到有間mister donut, 做緊1080yen 7個donut+ rilakkuma 毛巾，就買黎下午野餐食。Donut可以揀172yen以下的，如果揀曬最貴果幾款donut 的話價錢係平左既，不過我地揀左d平野，所以total只係1030yen, 換然之條毛巾只係50yen。 毛巾只係面巾size大少少，質地普通，不過我想換mister donut既禮物好耐，次次都撞唔啱有野換，今次當係還個心願。不過呢，7個donut兩人share都食得幾辛苦|(￣3￣)|
車站樓上ekima有間100yen店Seria,我地係果度買兩張野餐蓆先岀發。
権現堂係比較偏門的賞櫻地點，不過佢係賞櫻名所100選來的。
網上資料不太多，好彩都去到！係淺草搭東武鐵路去幸手站（650yen)，需時55分鐘。落車就會見到一條人龍係度排巴士，櫻花季會加開臨時巴士，睇timetable都要30分鐘一班。但可能太多人，所以有extra加班次，因為一架巴士走左之後我地等左十分鐘又有車。一程180yen, 不過好塞車，搭左半個鐘先到。一落車就係賞櫻地點，馬上見到一大片黃澄澄的油菜花！
超大片，比我在濟州看的還要多！不過因為太大片所以頗臭的，哈哈～
這𥚃沒有小販檔所以要自備飲品食物。星期日很多很多人，不過唔反感，因為全部都係日本人，非日本人的應該只有1-2%吧。有很多可愛日本小孩，有一個小妹妹好羨慕我有donut食～另外還有好多得意狗仔。在這兒野餐很𣎴錯！如果天氣再好一點就完美了。
記得唔好miss 尾班巴士喔，唔係要行半小時以上～
搭車返去上野站，去上野公園睇夜櫻。一年無黎，夜晚一樣好多人，雖然話有亮燈，但不太明顯，有d位黑到唔知自己係邊。
是但咁行，行左去小食檔，都幾有氣氛。買左碟炒章魚（500yen), 坐低一面食一面賞櫻，好有feel。
行左陣OIOI, 之後返Sutton place hotel拎行李，轉去我地最後一間酒店。
京急Exイン秋葉原，係26/3/2016新開的，我地book果時未開幕，所以比較平，Around 10000yen 一晚。入住時候只是開幕一星期左右，所以感覺好新好正！
距離秋葉原站同未廣町站都是7-8分鐘距離，還可接受。
房間12sq m, 但感覺不太小。房間設計很新很舒服，仲有部ipad用！
Check in時可以揀三份禮物，我估係一晚一份，有休足時間同eye mask揀！超正！另外仲送左一人一條usb線，應該係新開張禮物。
超鐘意呢間酒店！如果價錢不變，下次黎東京一定住呢間！
之後就去牛角食晚餐，秋葉原店係電器街口的Sega後面。日本既牛角係有放題食既, 加埋飲料放題約4000yen左右。不過我咁細食，豬仔又唔食牛，諗諗下兩個人8000yen喎，散叫都食唔到咁多錢啦！所以決定散叫。同香港味道差不多，但價錢係香港既七折有多，最貴果碟牛只係1280yen! d油花靚到！！！有A4以上吧？！
牛我叫左三碟，平時食唔到咁多架！最後只係食左6447yen~
睇隔離抬食放題，d肉都薄好多，同埋應該無得叫貴肉。
。。。。。。。。。。。。
牛角 秋葉原電気街口店
17：00～24：00
。。。。。。。。。。。。
沒有留言:
張貼留言